Kengaytirilgan yig'ilish

Bugun Sport vazirligida 2025-yilning birinchi yarim yilligi faoliyati yakunlariga bag'ishlangan kengaytirilgan kengash yig'ilishi bo'lib o'tdi.

Yig'ilishda Prezident Administratsiyasi bo'limi boshlig'i Odil Abdurahmonov, Sport vazirligi markaziy apparati vakillari, Milliy Olimpiya va Paralimpiya qo'mitalari, oliy sport mahorati maktablari, hududiy sport boshqarmalari rahbarlari, MOQ hududiy bo'limlari hamda turli sport federatsiyalari rahbarlari ishtirok etdi.

Muhokama markazida hisobot davrining asosiy natijalari, tizimdagi dolzarb muammolar, taklif va tashabbuslar, shuningdek, yilning ikkinchi yarmida amalga oshirilishi lozim bo'lgan ustuvor vazifalar bo'ldi.

Yig'ilish sport tizimi samaradorligini oshirish va sportchilar uchun qulayroq sharoit yaratish yo'lida muhim qadam bo'ldi.